Avroviziya Mahnı Müsabiqəsinin 2024-cü il üzrə baş prodüseri Martin Green, bu gün beynəlxalq Avroviziya icmasına ünvanladığı açıq məktubla həm təşəkkürünü, həm də narahatlıqlarını ifadə edib.
Green məktubunda bu ilin müsabiqəsinin təşkilatçılıq baxımından uğurla keçdiyini qeyd etsə də, həm media, həm iştirakçılar, həm də sosial şəbəkələrdə yaşanan gərginlik və emosional çalxalanmaların fərqində olduqlarını vurğulayıb. O, bu hadisələrin müsabiqənin əsas dəyərləri olan inklüzivlik və hörmət prinsiplərinə zidd olduğunu açıq şəkildə dilə gətirib.
Martin Green bildirib ki, Avropa Yayım İttifaqı (EBU) bu çətinliklərdən dərs çıxararaq gələcəkdə daha şəffaf və ədalətli yanaşma ilə Avroviziyanın ruhunu qorumağa sadiq qalacaq. O, eyni zamanda iştirakçı ölkələrə, ifaçılara və milyonlarla tamaşaçıya minnətdarlığını bildirib.
Məktubun sonunda Green Avroviziyanı “yaradıcılıq üçün açıq bir meydan”, musiqi və duyğularla birləşən mədəniyyətlər festivalı adlandıraraq bu dəyərlərin qorunmasının bütün icma üzvlərinin birgə məsuliyyəti olduğunu qeyd edib.
Mənbə: eurovision.tv