Birləşmiş Krallıq “Avroviziya 2026” təmsilçisini açıqladı. Ölkəni Vyanada keçiriləcək müsabiqədə LOOK MUM NO COMPUTER layihəsi ilə tanınan musiqiçi və ixtiraçı Sam Battle təmsil edəcək.
Sənətçinin müsabiqə üçün nəzərdə tutulan mahnısı yaxın günlərdə ilk dəfə efirdə təqdim olunacaq. Premyera ilə yanaşı, ifaçının ilk eksklüziv müsahibəsi yaxın həftələrdə BBC Radio 2 və BBC Sounds platformalarında yayımlanan “The Scott Mills Breakfast Show” proqramında səslənəcək.
Sam Battle musiqi dünyasında köhnə elektronika hissələrindən və oyuncaqlardan mürəkkəb sintezatorlar düzəldən mühəndis-musiqiçi kimi tanınır. Onun tərzi elektronika və synth-pop elementlərinə əsaslanır.
BBC-nin bu seçimi Britaniyanın standart pop janrından uzaqlaşaraq, səhnədə daha fərqli və texnoloji bir performansa üstünlük verdiyini göstərir.
Sənətçinin səhnədə öz ixtirası olan “velosiped-sintezator” və ya oyuncaq “Furby”lərdən hazırladığı cihazlarla çıxış edəcəyi gözlənilir.
