Ukraynanın Avroviziya 2026 təmsilçisi “Vidbir” milli seçim turunun nəticələrinə əsasən müəyyənləşib. Final mərhələsində həm münsiflər heyətindən, həm də tamaşaçılardan maksimal balları toplayan LELÉKA “Ridnym” adlı mahnı ilə ölkəni Vyanada təmsil etmək hüququ qazanıb.
1990-cı ildə Donetsk bölgəsində doğulan və Kiyevdə aktyorluq təhsili alan Viktoriya, daha sonra Almaniyada caz vokalları üzrə magistr dərəcəsi qazanıb.
O, Berlində fəaliyyət göstərən və folklorla caz musiqisini sintez edən eyniadlı qrupun yaradıcısı kimi tanınır. Səhnə adı ukrayna dilində “leylək” mənasını verir və bu, onun yaradıcılığındakı vətənə bağlılıq mövzusu ilə üst-üstə düşür.
Onun müsabiqə mahnısı olan “Ridnym”, ailə bağları və insanın mənəvi köklərinə qayıdışı haqqında minimalist bir balladadır. Mahnı həm ukrayna, həm də ingilis dillərindədir və aranjimanında milli bandura alətinin səslərindən istifadə olunub.
Seçim mərhələsində Jerry Heil və Monokate kimi rəqiblərini geridə qoyan LELÉKA, hazırlıq prosesinin növbəti mərhələsinə keçən LELÉKA, may ayında Avstriyanın paytaxtı Vyanada keçiriləcək yarışmada Ukraynanı təmsil edəcək.
