Müğənni Mila Miles “Avroviziya” mahnı müsabiqəsinin daxili seçim turları ilə bağlı maraqlı faktları açıqlayıb.
İfaçı bildirib ki, Azərbaycanın “Avroviziya 2017” təmsilçisi Dihaj ilə birlikdə müsabiqə üçün xüsusi duet hazırlayıblar. Lakin layihənin bədii həlli və səhnə tərtibatı kifayət qədər mürəkkəb və “riskli” hesab olunduğu üçün sözügedən mahnı seçimlərə təqdim edilməyib.
Mila Milesin sözlərinə görə, layihənin vizual və texniki effektlərini səhnədə maksimum səviyyədə canlandırmağın çətinliyi bu qərara əsas səbəb olub.
Müvafiq riskləri nəzərə alan ifaçı, builki müsabiqədə solo iştirakdan da tamamilə imtina etmək qərarına gəlib.
Xatırladaq ki, hər iki ifaçı özünəməxsus musiqi tərzi ilə tanınır və bu əməkdaşlıq azarkeşlər tərəfindən böyük maraqla gözlənilirdi.
