Portuqaliyanın “Avroviziya” mahnı müsabiqəsi üçün təşkil etdiyi “Festival da Canção 2026” milli seçim turunun ilk yarımfinal mərhələsi yekunlaşıb.
Müsabiqənin bu mərhələsində cəmi 8 ifaçı finala vəsiqə qazanmaq uğrunda öz performanslarını nümayiş etdirib.
İştirakçılar arasında bu adlar yer alıb:
Dinis Mota – “Jurei”
Nunca Mates o Mandarim – “Fumo”
Evaya – “Sprint”
André Amaro – “Dá-me a tua mão”
Bateu Matou – “Nos teus olhos”
Marquise – “Chuva”
Agridoce – “Onde quero estar”
Mário Marta – “Pertencer”
Keçirilən səsvermənin nəticələrinə əsasən, səkkiz namizəddən beşi rəqiblərini qabaqlayaraq final mərhələsinə adlaya bilib.
Beləliklə, Dinis Mota, Evaya, Marquise, Nunca Mates o Mandarim və André Amaro müsabiqənin ilk finalistləri olublar. Digər üç iştirakçı isə mübarizəni bu mərhələdə dayandırmalı olub.
Festivalın növbəti yarımfinal mərhələsinin fevralın 28-də keçirilməsi planlaşdırılır. Həmin tarixdə baş tutacaq ikinci seçim turundan sonra finalın tam tərkibi məlum olacaq.
