Azərbaycanı 2018-ci ildə Avroviziya Mahnı Müsabiqəsində təmsil etmiş sevilən müğənni Aisel, musiqiçi Orxan Zeynallı ilə birgə yeni bir layihəyə imza atıb. İfaçılar “Həyatdır” adlı yeni düetlərini musiqisevərlərin ixtiyarına veriblər.
Layihə həm melodiyası, həm də dərin mənalı sözləri ilə diqqət çəkir. Mahnıda həyatın gözəllikləri, çətinlikləri və keçilən yolların insan ruhunda buraxdığı izlər ifadə olunur. Müasir pop və klassik üslubun sintezindən yaranan bu ifa, dinləyicilərə həm emosional, həm də estetik zövq bəxş edir.
